Mbi 20 të plagosur nga sulmet ruse në perëndim të Ukrainës

22:25 | 13 Maj 2023
Orgesa Haziri

Të paktën 21 persona u plagosën dhe dy të tjerë u shtruan në spital në rajonin perëndimor Khmelnytskyi të Ukrainës pas sulmeve ruse të shtunën herët në mëngjes, sipas nënkryetarit të administratës ushtarake rajonale.

“Sot, armiku edhe një herë sulmoi Khmelnytskyi me një dron sulmues, duke goditur një nga objektet kritike të infrastrukturës së rajonit, të vendosura jashtë vendbanimeve,” tha Serhii Tiurin në Telegram, shkruan CNN.

“Deri tani kemi 21 të lënduar, dy prej tyre janë shtruar në spital, të tjerët kanë marrë ndihmë mjekësore dhe janë transferuar në mjekim ambulator.

Tiurin tha se ka pasur disa dëme në sulm.

“Në veçanti janë dëmtuar institucionet arsimore, mjekësore dhe kulturore, ndërtesat administrative, objektet industriale, ndërtesat e larta dhe individuale të banimit”, tha ai.

Forcat Ajrore të Ukrainës thanë të shtunën se 17 nga 21 dronë rusë ishin kapur gjatë natës nga sistemi i saj i mbrojtjes ajrore./abcnews.al/

Shpërndaje në rrjete sociale

Lajmet më të lexuara

Të ngjashme

Foto lajm